Дина Нұрпейісова атындағы Академиялық қазақ халық аспаптар оркестрі ұжымының ұйымдастыруымен Атырау төрінде «Бабадан аманат» дәстүрлі ән-күй концерті берілді.
Кеш тізгінін Қазақ жұртына танымал өнер зерттеушісі, күйші-композитор Әбділхамит Райымбергенов ұстап, әр шығарманың орындалу барысына терең тоқталып, тарихтан сыр шертіп, залдағы көрермендермен тығыз байланыста отырды.
Бұл шарада дәстүрлі ән-күйіміз түрлі аспаптардың үнімен шарықтады. Әр шығарма тыңдарман қауымның жүрегіне жетіп, көрермендер жеке орындаушылардың өнерінен сусындады.
Кеш қонақтары Құрманғазы атындағы Қазақ ұлттық консерваториясының доценті, күйші-композитор, Мәдениет саласының үздігі Қ.Жұмағалиев, Жамбыл атындағы қазақ мемлекеттік академиялық филармониясының жеке солисті Ж.Аяпов, Мәдениет саласының үздігі Р.Сарсенов, республикалық конкурстардың лауреаты Н.Тәжікенов, сонымен қатар, жергілікті өнерпаздар Т.Қайдаров, А.Сакупова, Б.Амантаев, Ш.Жаменова, Қ.Дүйсеев, Қ.Жұмағалиев, Б.Сарсенов, Ж.Жамиев,А.Құттығұл, Е.Хайроллаев, Р.Ғимранов, Б.Ідірбай, А.Қараменова, А.Темір, С.Әлібеков, А.Зинеденов, Н.Нажекеновтер өнер көрсетті. Қалың көрерменнің қошеметі өнерпаздарға шалқар шабыт сыйлады.
Кеш қорытындысында облыстық ардагерлер кеңесі төрағасының орынбасары Серік Қалжанұлы ізгі тілегін арнап, күйші-композитор Әбділхамит Райымбергеновті «Дауылпаз» медалімен марапаттады.