Көркемдік жетекшісі және бас дирижері “Дарын” Мемлекеттік жастар сыйлығының иегері Болат Долдашов және дирижер, “Мәдениет қайраткері” Рахила Ерғалиева бастаған өнер керуені сарыағаштықтардың назарына “Жайықтан сазды сәлем” атты кезекті концертін ұсынды.
Концертте оркестрмен бірге жеке орындаушылар, атап айтқанда, “Ерен еңбегі үшін” медалінің иегерлері Аманжан Басығариев, Жәнібек Жәмиев, “Құрмет” ордені иегері Қайрат Какимов және халықаралық, республикалық конкурстардың лауреаттары Айбек Сапанов, Абдулла Мұқанғалиев, Гүлбану Төлеубергенова, Мырзабек Каримуллаев, Байбақты Ідірбай, Аружан Ерімова, Жанар Қорғанова, Аягөз Ізбасаровалар қазақ және шетел композиторларының шығармаларын орындап, көрерменнің ыстық ықыласына бөленді.
