Дина Нұрпейісова атындағы Академиялық қазақ халық аспаптар оркестрі ұжымының ұйымдастыруымен «Дирижерлер шеруі» өтті. ​Шара басында Атырау облысы мәдениет және тілдерді дамыту басқармасының басшы орынбасары: Әділғалиев Арман Бағытжанұлына сөз беріліп, құттықтау тілегін жеткізді. ​Шеруімізде республикамыздың түкпір-түкпірінен жиналған талантты дирижерлеріміз сахнаның сәнін келтірді.
Атап айтсақ Рахат Мадиреев - Қазақстанның еңбек сіңірген қайраткері, «Құрмет» орденінің кавалері. Мұрат Өскінбаев атындағы Маңғыстау облыстық филармониясы Абыл Тарақұлы атындағы ұлт-аспаптар оркестрінің көркемдік жетекшісі және бас дирижеры. (Ақтау қаласы).
Ерлан Бақтыгерей - Мәдениет саласының үздігі. Тәттімбет атындағы Академиялық қазақ халық аспаптар оркестрінің бас дирижері. (Қарағанды қаласы).
Нұрлан Бекенов - Мәдениет қайраткері. Еркеғали Рахмадиев атындағы Мемлекеттік академиялық филармониясы Қазақ оркестрінің дирижері. (Астана қаласы).
Бауыржан Көбенғалиев - Мәдениет саласының үздігі.Мұрат Өскінбаев атындағы Маңғыстау облыстық филармониясы Абыл Тарақұлы атындағы қазақ халық аспаптары оркестрінің дирижері. (Ақтау қаласы).
Арман Жайым - «Құрмет» орденінің кавалері, Қазақстан композиторлар одағының мүшесі. Еркеғали Рахмадиев атындағы Мемлекеттік академиялық филармониясы симфониялық оркестрдің дирижеры. (Астана қаласы).
Ержан Китаров - Мәдениет саласының үздігі. Нұрмұхан Жантөрин атындағы Атырау облыстық филармониясы Қаршыға Ахмедияров атындағы «Нарын» халық аспаптары оркестрінің көркемдік жетекшісі және бас дирижері және Атыраулық Дина Нұрпейісова атындағы Академиялық қазақ халық аспаптар оркестрінің дирижерлері Рахиля Ерғалиева – Мәдение қайраткері және «Дарын» мемлекеттік жастар сыйлығының иегері, оркестірдің көркемдік жетекшісі әрі бас дирижеры - Болат Долдашевтар өз өнерлерін көрерменге тарту етті.
Шеруде аталмыш орекстердің орындауында «Әсем қоңыр», «Мұқали», «Бұлбұл ақжелең», «Тиктак» «Бауырлаштарым», «Той күйі», «Сарыарқа» және т.б. күйлері орындалды.