Еліміздің даңқын лирикалық баритон даусымен әлемге паш еткен әйгілі опера әншісі, ұлағатты ұстаз, Қазақстанның халық әртісі Ғафиз Қыдырұлы Есімов 77 жасында дүние салды.

Атырауда туып, Алты Алаштың ақсұңқар өнерпазына айналған асыл аға қонцерттіқ-шығармашылық қызметінде халық әндерін және қазіргі қазақ композиторларының ән-романстарын насихаттауға үлкен үлес қосты. Гастрольдік сапармен шетелдерде өнер көрсетіп, Атырау-Ақ Жайықтың асқақтығын әсем әуенмен алты құрлыққа мәшһүр етті. Әлемдік деңгейдегі айтулы әншісін туған жері де ерекше құрметтейтін еді. Бақұл болыңыз, Ғафиз аға!

Қазақтың таудай тұлғасы Ғафиз Қыдырұлының отбасына өнер өлкесіндегі барша АТЫРАУЛЫҚ бауырлары, әріптестері атынан қайғырып көңіл айтамыз.