Берлин төрінде ұлттық өнерімізді насихаттап, Әз-Наурыз мейрамын тойлау мақсатында “Сармад” этно-фольклорлық ансамблі Әзербайжан мәдениет орталығында “Көшпенділер рухы” атты концертін өткізді.
Шара барысында ҚР Германия Федерактивтік Республикасындағы Төтенше және Өкілетті Елшісі Нұрлан Онжанов Наурыз мерекесі, Көрісу күні, “Наурызнама” тұжырымдамасының маңызына ерекше тоқталды. Сонымен қатар, Әзірбайжан Республикасының Германиядағы елшісі Насими Мухаммедали оглы Агаев шараға қатысушыларды атаулы мерекемен құттықтады.
Ұлттық өнеріміздегі музыкалық аспаптың үні кім-кімді болмасын жігерлендіріп, шабыттандырып жіберетіні баршамызға аян. Ансамбль Бауыржан Ақтаевтың жетекшілігімен “Кербез сұлу”, “Бозінген” “Карамен”, “Шаңқобызға арнау” шығармаларымен қоса, көрерменге Пауль Линке «Berliner Luft»,“Жорж Бизе «Кармен» операсынан увертюрасын орындады. Байбақты Ідірбай және Жанар Қорғанова халық әндерін орындады. Тыңдарман әртістердің өнеріне риза болып, қошемет білдірді.
Ансамбльдің кезекті концерті бүгін 15 наурыз күні Мэрия (Bürgersaal, Rathaus Steglitz-Zehlendorf) залында жалғасады.
