ҚазКСР-інің Еңбек сіңірген әртісі, Құрманғазы атындағы Қазақ ұлттық консерваториясының профессоры, қобызшы Каленбаева Меруерт Қабыкенқызы өмірден озды. Меруерт Қабыкенқызы ғұмырын қазақ өнеріне арнады. Ұстаздың жолын 1966 жылдан - Құрманғазы атындағы Қазақ ұлттық консерваториясы қобыз және баян кафедрасының ұстазы болып көптеген шәкірттер тәрбиелеп, оларға өнерге деген сүйіспеншілігі мен шеберлігін жеткізіп, терең із қалдырды. Меруерт Қабыкенқызының жарқын бейнесі шәкірттері мен әріптестерінің жүрегінде нағыз шебер, мықты тәлімгер және кеңпейіл жан ретінде сақталады. Дина Нұрпейісова атындағы Академиялық қазақ халық аспаптар оркестр ұжымы атынан марқұмның қазасына орай отбасына, туған-туыстарына қайғыра көңіл айтамыз.